Barne- og ungdomskonsulent til 40 % fast stilling

Ønskjer du å bidra til engasjerende fellesskap blant barn og unge i Møre?

For å styrkje dette arbeidet lyser vi no ut stillinga som:

Barne- og ungdomskonsulent (40 %) i NMSU:

Vil du jobbe for visjonen «Unge disiplar i heile verda»? Trivst du med å byggje relasjonar og gode fellesskap, samarbeide og formidle? Vil du bruke talenta dine til å engasjere barn og unge til å dele tru, tid, ting og talent?

NMSU søkjer deg som synest det er spennande og meiningsfylt å sjå, samle og styrkje ungdom og frivillige. Du opplever meining i å inspirere både unge og eldre gjennom formidling og relasjonar. Vi ser etter ein engasjert, kontaktskapande og strukturert person som vil vere med og skape aktivitet for barn, unge og familiar i regionen saman med frivillige og Den norske kyrkja.

Vi tilbyr ein variert jobb med oppfølging av eksisterande aktivitetar og rom for å skape nye. Du får i stor grad styre eigen arbeidskvardag.

Hovudarbeidsoppgåver:

• Utvikle og følgje opp samarbeid med Møre bispedøme og kyrkjelydar i Den norske kyrkja
• Etablere followme-nettverk i Møre for å bidra til å sjå, samle og styrkje ungdomsleiarar og dei som jobbar med ungdomsarbeid i kyrkjelydane i regionen
• Formidle tru og misjon i møte med barn og ungdom
• Oppfølging av frivillige og byggje frivillige team

Vi ser etter deg som har desse kvalifikasjonane:

• Relevant utdanning/erfaring innenfor fagområdet
• God kommunikasjonsevne
• Stor relasjonell kapasitet
• God kjennskap til Den norske kyrkja og NMSU og NMS sitt arbeid
• Er initiativrik og trivst med å arbeide sjølvstendig<!--EndFragment -->

Kva kan vi tilby?

• Ein spennande og variert arbeidskvardag i internasjonale organisasjonar.
• Eit godt arbeidsmiljø med engasjerte kollegaer.
• Kontorplass i Ålesund - med moglegheit for heimekontor etter avtale.
• Løn etter NMSU sitt regulativ.

Forventningar til deg:

• Søkarar må vere personleg eigna for stillingane.
• Du må kunne identifisere deg med NMS og NMSU sine grunnsyn.
• Krav om godkjend politiattest

Om NMSU:
NMSU er ein barne- og ungdomsorganisasjon som består av lokallag og enkeltmedlemmar. Vi har vår forankring i Den norske kyrkja og ønskjer å vere ein naturleg samarbeidspartnar for kyrkjelydar som ønskjer at barn og unge skal få eit lokalt og globalt misjonsengasjement. Gjennom arbeidet vårt vil vi engasjere barn og unge til å dele tru, tid, ting og talent.

Vi ser fram til å høyre frå deg!

For spørsmål om stillinga, ta kontakt med teamleiar i Midt-Nord Elin Flystveit Riska.